टीकापुरमा किशोरी मृत अवस्थामा फेला
टीकापुर । कैलालीको टीकापुर नगरपालिका वडा नं. १ ब्लक नंं. १६ मा १६ वर्षीया पूजा थापा मृत अवस्थामा भेट्टीएकी छन् ।
मावली घरमा बज्यै तुलसी रावलसँगै बस्दै कक्षा १२ मा अध्ययन गरिरहेकी थापा विहिबार विहान १० बजेतिर टीकापुरको ब्लक नं. १२ मा हजुरआमालाई भेटन गएकोमा शुक्रबार बिहान मृत फेला परेकी हुन् । उनी बस्ने घरदेखि करिब दुई सय मिटर उत्तरतर्फ रहेको एक निर्माणाधिन घरको नजिकै खुल्ला चौरमा शव रहेको र किशोरीको मोवाइल, ज्याकेट चप्पल उक्त घरभित्र भेट्टीएको इलाका प्रहरी कार्यालय टीकापुरका प्रमुख प्रहरी नायव उपरीक्षक शिवबहादुर सिंहले बताए ।
मृतकका बुवा हर्कबहादुर थापा र आमा कामको शिलशिलामा भारतमा रहेका आफन्तले बताएका छन् । घटनाको बारेमा थप अनुसन्धान भैरहेको डिएसपी सिंहले बताए ।
