दार्चुलामा बस दुर्घटनाः दुइकाे मृत्यु १८ घाइते
दार्चुला । मालिकार्जुन गाँउपालिका–३ स्थित मालिकार्जुन मन्दिरको जात्राबाट फर्कँदै गरेको बस मालिकार्जुन–३ तेर्छालेक नजिक दुर्घटना हुँदा दुईजनाकाे मृत्यु भएकाे छ । १८ जना घाइते भएका छन् ।
शुक्रबार बिहान पौने ५ बजेतिर म१ख ४३६ नम्बरको मिनिबस सडकबाट करिब तीन सय मिटर तल खसेको हो।
मृतक दुई जनाको सनाखत हुन सकेको छैन । घाइतेमध्ये दुई जनाको अवस्था चिन्ताजनक रहेको जिल्ला प्रहरी कार्यालयका प्रहरी निरीक्षक हिक्मतबहादुर बोहराले जानकारी दिए।अहिलेसम्म उद्धार गरिएका १८ घाईतेलाई उपचारका लागि गोकुलेश्वर अस्पतालतर्फ पठाइएको छ । सडक तलको भीर अप्ठ्यारो हुनाले उद्धारमा ढिलाई र असहज भइरहेकाे उनले बताए।प्रहरी, सशस्त्र प्रहरी, सेना र स्थानीयले उद्धारमा लागेका छन् ।
बिहीबार राति मालिकार्जुन मन्दिरमा ठूलो जात्रा लागेको थियो । जात्रा हेरेर घर फर्किरहेकालाई ल्सयाएर दरमुकाम खलंगा आउने क्रममा बस दुर्घटना भएको हो । घटनाकाे विस्तृत विवरण आउन बाकी छ।
