‘वायुसेवा निगमको कार्यतालिका सार्वजनिक भइसक्यो’
अछाम । प्रतिनिधिसभा सदस्य भीमबहादुर रावलले नेपाल वायुसेवा निगमले साँफेबगरमा हवाईसेवा सञ्चालनका लागि वायुसेवा निगमले कार्यतालिका सार्वजनिक गरिसकेको बताएका छन् ।
पार्टी तथा विभिन्न कार्यक्रममा सहभागी हुन अछाम पुगेका नेकपाका स्थायी समिति सदस्य समेत रहेका रावलले साँफेबगर विमान स्थलमा सञ्चारकर्मीहरूसँग बुधबार कुरा गर्दै धेरै वर्षसम्म बन्द अवस्थामा रहेका कारण केही ढिलाई भएको र आगामी दिनमा नेपालगञ्ज–साँफे मात्र नभएर धनगढी साँफे पनि हवाई सेवा सञ्चालनको तयारी भइरहेको बताए ।
नेता रावलले पार्टी एकीकरणका विषयमा पनि केन्द्रबाट जोड दिँदै आएको बताए । उनले पार्टीको आधिकारिक निकाय छिटो तय गर्नका लागि निर्देशन दिइसको बताए । उनले पार्टी एकीकरणका लागि बनेका कार्यदलले आफ्नो काम गरी तिहार लगत्तै वडा कमिटी, जिल्ला, कमिटी र प्रदेश कमिटीले पूर्णता पाउने बताए ।
नेता रावलले हिजोको विभाजित मनस्थितिबाट माथि उठ्नुपर्ने बताउँदै नेपाल कम्यूष्टि पार्टी राष्ट्रको स्वाभिमान, समृद्धि, एकता सामाजिक विकास र नेपाललाई प्रतिस्प्रधि विश्वमा माथि उठाउन लागि परेको बताए ।
