कैलालीमा फेरि प्रेमीसँग मिलेर पतिको हत्या

धनगढी । कैलालीको भजनी नगरपालिका–९, भुरुवाकी एक महिलाले प्रेमीसँग मिलेर पतिको हत्या गरेकी छन् । ईलाका प्रहरी कार्यालयका ईन्चार्ज प्रहरी निरिक्षक राजेन्द्रबहादुर चन्दले दिएको जानकारी अनुसार नन्दु राजीको हत्या उनकी पत्नी निर्मला राजीले प्रेमी दिलिप राजीसँग मिलेर हत्या गरेको प्रारम्भिक अनुसन्धानमा खुलेको जनाएको छ ।
उनको शव घर नजिकैको जंगलमा खाल्डोभित्र गाडिएको अवस्थामा फेला परेको प्रहरी निरिक्षक चन्दले बताए । उनले शव डोरीले खुट्टा बाँधेर बोरामा राखेको अवस्थामा खाल्डोभित्र भेटिएको चन्दले जानकारी दिए ।
मृतक राजी साउन ४ गते हराएको भएपनि हालसम्म हराएको उजुरी नपरेको बताउँदै चन्दले पत्नी निर्मला राजी र प्रेमी दिलिप राजीलाई नियन्त्रणमा लिएर थप अनुसन्धान गरिरहेको जनाए ।
यस्तै, गत असार ८ गते कञ्चनपुरको पुनर्वास नगरपालिकाका–२ की लक्ष्मी बडेलाले प्रेमी दीपक खत्रीसँग मिलेर श्रीमान् तेजबहादुर बिष्टको हत्या गरेकी थिइन् ।