आठ वर्षीया बालिका बलात्कृत

अछाम । अछामको साँफेबगर नगरपालिकामा एक आठ वर्षीया बालिका बलात्कृत भएकी छन् ।
आमा रोपाई गएको बेला दुई वर्षकी बहिनी हेर्न बसेकी बालिका बलात्कृत भएको प्रहरीले जनाएको छ ।
पानी माग्ने निहुँमा देवीस्थानका २१ वर्षीय रेवन्त दासले बलात्कार गरेको आरोप छ । घटना असार २० गते भए पनि घरमा आफू एक्लो रहेको र पति भारतमा भएकोले डरले उजुरी नदिएको पीडितकी आमाले बताएकी छन् ।
भारतमा रहेका बालिकाका बुवा र बाजुरामा रहेका ठूलो बुवाको सल्लाहमा २८ गते प्रहरीमा जाहेरी गरेको उनले बताइन् । पीडित बालिकाको जिल्लामा उपचार भइरहेको छ । बलात्कारको आरोप लागेका रेवन्त भने परिवारसहित भारत पसेका छन् ।