कोदालोले हिर्काएर श्रीमतीको हत्या

कञ्चनपुर । कञ्चुनपरमा सशस्त्र प्रहरीका एक जना हवल्दारले कोदालोले हिर्काएर मंगलबार आफ्नो श्रीमतीको हत्या गरेका छन् ।
भीमदत्त नगरपालिका वडा नम्बर ८ तिलाचौरका ३७ वर्षीय केशव कार्कीले मंगलबार बिहान खेतमा काम गरिरहेकी २६ वर्षीया श्रीमती सरस्वतिको कोदालोले हिर्काएर हत्या गरेको जिल्ला प्रहरी कार्यालय कञ्चनपुरले जनाएको छ ।
कञ्चनपुरका प्रहरी उपरीक्षक डिल्लीराज विष्टले खेतमा काम गरिरहेका बेला सामान्य विवाद हुँदा आवेशमा आएका सशस्त्र प्हरी हवल्दार केशवले कोदालोले हिर्काउदा सरस्वतिको घटनास्थलमै ज्यान गएको जानकारी दिए ।
प्रहरीले केशवलाई नियन्त्रणमा लिएर अनुसन्धान अघि बढाएको जनाएको छ ।
सशस्त्र प्रहरी हवल्दार केशव सीमा सुरक्षा बल लमही दाङमा कार्यरत रहेको जनाइएको छ ।