जीप दुर्घटनामा दुईको मृत्यु

बझाङ । बझाङमा जीप दुर्घटना हुँदा दुई जना महिलाको ज्यान गएको छ ।
दुर्घटनामा छविसपाथीभेरा गाउँपालिका–५, की ५२ वर्षीय सोनकोसा जाग्री र ४८ वर्षीय रुद्रा जाग्रीको ज्यान गएको प्रहरीले जनाएको छ । बुधबार बिहान छविसपाथीभेराको ब्याँसी थलाराबाट भाँडे बजारतर्फ आउँदै गरेको से १ ज ६१५ नम्बरको जीप नेटारेल्यामाटी भन्ने ठाउँमा दुर्घटना भएको प्रहरीले जनाएको छ ।
दुर्घटनामा दुई जना गम्भीर घाइते भएका छन् । घाइते हुनेका छविसपाथीभेरा–५, कै जमान धामी र देबराज जाग्री रहेको प्रहरीले जानकारी गराएका छन् ।
घाइते दुवै जनाको अवस्था चिन्ताजनक रहेको प्रहरीले जनाएको छ । घाइतेलाई उपचारका लागि अस्पताल लगिएको छ । दुर्घटनाको कारण भने खुल्न सकेको छैन् ।