पहिरोमा दुई जनाको मृत्यु

अछाम । अछामको मेल्लेखमा आइतबार राति पहिरोमा पुरिएर दुई जनाको मृत्यु भएको छ ।
मेल्लेख गाउँपालिका वडा नम्बर १ ऋषिदहका ४० वर्षीय मनसिंह धामी र ४० वर्षीय हरिदेव धामीको पहिरोमा पुरिएर मृत्यु भएको बताइएको छ ।
सोही ठाउँका नन्द विष्टको घर छाउने ढुंगा निकाल्ने क्रममा आइतबार माथिबाट आएको पहिरोमा पुरिएर उनीहरूको घटनास्थलमै मृत्यु भएको थियो । पहिरोमा परेर नन्द विष्टसमेत घाइते भएकाले उपचारका लागि स्थानीय बयलपाटा अस्पतालमा पठाइएको छ ।
सो घटनाका सम्बन्धमा प्रहरीले अनुसन्धान गरिरहेको छ ।