होटलहरूमा प्रहरीको छापा

कञ्चनपुर । कञ्चनपुरको शुक्लाफाँटा नगरपालिकाका केही होटलमा प्रहरीले बिहीबार राती छापा मारेको छ ।
केही होटलहरूमा अनैतिक क्रियाकलाप बढेको स्थानीयको गुनासोपछि प्रहरीले नगरपालिकाका केही होटलमा छापा मारेको जनाएको छ ।
ईलाका प्रहरी कार्यालय झलारीको प्रहरी टोलीले बिहीबार होटेल भ्यू टप रेष्टुरेन्ट एण्ड लजमा छापा मारेको जनाएको छ ।
प्रहरीले सो होटलबाट शंकास्पद अवस्थामा दुई युवक र दुई युवतिलाई नियन्त्रणमा लिएको प्रहरी निरीक्षक हिक्मत थापाले बताए ।
प्रहरी निरीक्षक थापाले झलारीमा रहेका केही होटलमा अनैतिक क्रियाकलाप हुने गरेको स्थानीयको उजुरीका आधारमा छापा मारिएको बताए ।