काठेपुल बगाएपछि…
बझाङ । बझाङको सदरमुखकाम चैनपुर जोड्ने बाउली खोलामा रहेको काठे पुल बगेपछि आवतजावतमा स्थानीयलाई सास्ती भइरहेको छ ।
बाउली खोलामा रहेको काठेपुल बाढीले बगाएपछि सुवेडा, सिमखेत, नौरा, देवल र बझाङ क्षेत्र नम्बर २ का विभिन्न क्षेत्रबाट सदरमुकाम आउने बासिन्दालाई निकै गाह्रो भएको चैनपुर नगरपालिका– ११ का खगेन्द्र खड्काले बताए ।
![](https://i0.wp.com/eanumodan.com/wp-content/uploads/2017/07/kathe-pool-470x267.jpg?resize=681%2C387)
सुवेडाका मनु ऐडीले काठेपुल बगेपछि सबैभन्दा बढी स्कूले विद्यार्थीलाई सास्ती भएको बताए । उनले काठेपुल बगेका कारण ३० मिनेटमा पुगिने सदरमुकाममा रहेको सेती साइपाल स्कूल पुग्न अहिले डेढ घन्टा लाग्ने गरेको बताए ।
गत वर्षको बाढीले बाउली खोलाको झोलुंगे पुल बगेपछि काठेपुल बनाइएको र अहिले पुनः बगेको स्थानीयले बताए ।