बाजुरा बाहेक सुदूरपश्चिमका जिल्लामा मतदान सम्पन्न, मतदातामा उत्साह देखिएन
![](https://i0.wp.com/anumodankhabar.com/wp-content/uploads/2022/11/%E0%A4%AA%E0%A5%8D%E0%A4%B0%E0%A4%A4%E0%A4%BF%E0%A4%B8%E0%A5%8D%E0%A4%AA%E0%A4%B0%E0%A5%8D%E0%A4%A7%E0%A5%80%E0%A4%95%E0%A5%8B-%E0%A4%AE%E0%A4%BF%E0%A4%B2%E0%A4%A8-768x442.jpg?resize=720%2C414)
धनगढी / सुदूरपश्चिममा गत वैशाखको स्थानीय तहको चुनावको तुलनामा निक्कै आज भएको् प्रतिनिधि सभा र प्रदेश सभाको चुनावमा कम भोट खसेको छ ।
गत चुनावमा केही जिल्लामा ७० प्रशितसम्म मतदान भएकोमा यसपटक कैलालीमा ५९.७१ , डडेल्धुरामा ५२, बैतडीमा ६०, दार्चुलामा ६५, अछाममा ५५, कञ्चनपुर ६२ र डोटीमा ५१.९ प्रतिशतले मतदान गरेका छन् ।
बाजुरामा विवादका कारण केही केन्द्रको मतदान नै स्थगित छ भने बझाङको तथ्यांक खसेको मतको प्रतिशत सार्वजनिक भएको छैन ।
एक हजार १६१ मतदान स्थल रहेको सुदूरपश्चिमका नौ जिल्लामा दुई हजार १४६ मतदान केन्द्र निर्धारण गरिएको थियो ।
सुदूरपश्चिमका प्रतिनधि सभामा प्रत्यक्षतर्फ १६ र प्रदेश सभामा ३२ क्षेत्र छन् ।
तीमध्ये बाजुरा बाहेक प्राय सबै क्षेत्रका मतपेटिक संकलन भइरहेको निर्वाचन आयोग प्रदेश कार्यालयका प्रमुख प्रेमराज भट्टले बताए । बाजुराका तीन स्थलमा विवादका कारण मतदान स्थगित भएको छ भने एमालेले कांग्रेसले धाँदली गरेको भन्दै थप १६ स्थलको मतदान स्थगित गर्नका लागि उजुरी दिएको छ ।
निर्वाचन आयोगका प्रदेशका कार्यालयका प्रमुख भट्ले सुदूरपश्चिमका केही ठाउँमा भोली विहान र केही ठाउँमा पर्सीसम्म मतगणना शुरु हुन् बताउनुभयो ।
कैलालीका प्रमुख जिल्ला अधिकारी किरण थापाले कैलाली क्षेत्र नं. १, ३ र ४ को आइतबार विहान सर्वदलिय बैठक गरेर मतगणना शुरु गर्ने बताए ।
क्षेत्र नं. २ र ४ को भने सोमबार मात्रै गणना हुने सम्भावना छ । ती क्षेत्रका केही पालिका पहाडी क्षेत्रमा रहेकोले मतपेटिका ल्याउन ढिलाइ हुने भएको हो ।
चुनावका केही तस्बिरहरु
![](https://i0.wp.com/anumodankhabar.com/wp-content/uploads/2022/11/CDO.jpg?resize=404%2C303&ssl=1)
![](https://i0.wp.com/anumodankhabar.com/wp-content/uploads/2022/11/%E0%A4%A7%E0%A4%A8%E0%A4%97%E0%A4%A2%E0%A5%80%E0%A4%95%E0%A5%8B-%E0%A4%AE%E0%A4%A4%E0%A4%A6%E0%A4%BE%E0%A4%A8-2.jpg?resize=504%2C378&ssl=1)
![](https://i0.wp.com/anumodankhabar.com/wp-content/uploads/2022/11/%E0%A4%AE%E0%A4%A4%E0%A4%A6%E0%A4%BE%E0%A4%A8-%E0%A4%95%E0%A5%87%E0%A4%A8%E0%A5%8D%E0%A4%A6%E0%A5%8D%E0%A4%B0-1-768x436.png?resize=720%2C409&ssl=1)