होपव्रिजद्धारा क्वारेन्टाइनमा निशुल्क खाद्यान्न वितरण
![](https://i0.wp.com/www.anumodankhabar.com/wp-content/uploads/2020/06/103091333_592960767993806_8299010773137489920_n.jpg?fit=720%2C405&ssl=1)
धनगढी । होपव्रिज संस्थाले कैलालीको धनगढीस्थित बासुदेवी माध्यामिक विद्यालयमा रहेको क्वारेन्टाइनमा निशुल्क खाद्यान्न र स्वास्थ्य सामाग्री वितरण गरेको छ ।
क्वारेन्टाइनमा बसेका व्यक्तिहरुलाई खाद्यान्न अभाव हुन नदिन र सरसफाइमा सहयोग पुर्याउन बुधबार धनगढी उपमहानगरपालिकामार्फत खाद्यान्न र स्वास्थ्य सामाग्री वितरण गरेको हो ।
संस्थाका प्रदेश संयोजक महेन्द्र बमले धनगढी उपमहानगरपालिकाका नगर प्रमुख नृपबहादुर वडलाई विद्यालयमै पुगेर सामाग्री हष्तान्तरण गरेका हुन ।
सामाग्री बुझ्दै नगर प्रमुख वडले संस्थाको सहयोगबाट क्वारेन्टाइन व्यवस्थापनमा सहयोग पुगेको बताए । उनले संस्थालाई धन्यवाद व्यक्त गर्दै आगामी दिनमा पनि सहयोग गर्न आग्रह गरे ।
![](https://i0.wp.com/www.anumodankhabar.com/wp-content/uploads/2020/06/101863147_272699080777136_6179771160788467712_n.jpg?fit=720%2C540&ssl=1)
संस्थाले चामल एक सय ५० किलोग्राम, मसुर, अरहर, मटर, चना ५०/५० किलोका दरले दुई सय किलो दाल, एक लिटरका १५ प्याकेट तेल, एक किलोका पाँच प्याकेट नुन र पाँच प्याकेट लिटो वितरण गरेको हो । यस्तै, ३५ प्याकेट स्यानेटरी प्याड र ३० प्याकेट सावुन पनि वितरण गरिएको प्रदेश संयोजक महेन्द्र बमले जानकारी दिए ।