चिर्पटले हिर्काएर बुबाको हत्या

धनगढी । गोदावरी नगरपालिकाका एक युवाले चिर्पटले हिर्कौर आफ्ना बुवाको हत्या गरेका छन् ।

गोदावरी नगरपालिका–५, बर्बट्टाका ३० वर्र्षीय रामसिंह कुमालले आइतबार राति चिरेको दाउराले हानेर ६० वर्षीय बुवा अम्मरसिंह कुमालको हत्या गरेका जिल्ला प्रहरी कार्यालय कैलालीले जनाएको छ । बुबाछोराबीच घरायसी विवाद भएपछि रामसिंहले अम्मरसिंहलाई चिर्पट प्रहार गरेको कैलाली प्रहरी प्रमुख प्रहरी उपरीक्षक सुदीप गिरीले बताए ।
चिर्पट प्रहारबाट गम्भीर घाइते भएका अम्मरसिंहलाई उपचारका लागि धनगढीस्थित सेती अस्पतालमा पु¥याइएको थियो । उनको उपचारकै क्रममा मृत्यु भएको प्रहरीले जनाएको छ ।
प्रहरीले चिर्पट प्रहार गरी फरार रहेको रामसिंहलाई पक्राउ गरी अनुसन्धान गरिरहेको एक साताअघि पनि कैलालीकै घोडाघोडी नगरपालिका ११ सिसैयामा ५५ वर्षीय उदय रावतले पनि आफ्नै ७५ वर्षीय बुबा काल्चे रावतलाई हसिँया प्रहार गरी हत्या गरेका थिए ।