कुटपिटबाट एकको मृत्यु

बैतडी । अपरिचित व्यक्तिको कुटाईबाट बैतडीमा एक जनाको मृत्यु भएको छ । घटनामा अन्य एक जना घाइते भएका छन् । मृत्यु हुनेमा सिगास गाउँपालिका वडा नम्बर ९ श्रीभावरका ६० वर्षीया जसु बोहरा रहेको जिल्ला प्रहरी कार्यालय बैतडीले जनाएको छ ।
आइतबार राति अपरिचित व्यक्ति घरमा प्रवेश गरी जसु र उनकी २१ वर्षीया बुहारी लक्ष्मी बोहरालाई कुटपिट गरेको बैतडीका प्रहरी नायव उपरिक्षक नेत्रमणि गिरीले बताए । कुटपिटबाट लक्ष्मी घाइते भएकी छन् ।