पेस्तोलसहित एक पक्राउ

बझाङ । बझाङ जिल्लाको गाउँपालिकाबाट पेस्तोलसहित एक जना पक्राउ परेका छन् । थलारा गाउँपालिका वडा नम्बर ६ पिखेत नुवाघरका अन्दाजी ५६ वर्षीय प्यारु मिजार पेस्तोलसहित पक्राउ परेका छन् ।
केही समय अघि भारतबाट आउँदा पेस्तोल ल्याएको भन्ने हल्ला पाए पछि प्रहरी आइतबार मिजारको घरमा छापा हान्दा पेस्तोलसहित पक्राउ परेको प्रहरी नायब उपरिक्षक प्रविण धितालले बताए ।
घरबाट पेस्तोल लुकाइ राखेको विशेष सूचनाका आधारमा प्रहरीले आइतबार उनलाई पक्राउ गरेको जिल्ला प्रहरी कार्यालय बझाङले जनाएको छ ।
इलाका प्रहरी र जिल्ला प्रहरीको संयुक्त टोलीले घरमा खानतलासी गर्दा एक थान कटुवा पेस्तोल फेला परेको हो । पेस्तोल सहित पक्राउ परेको मिजार बारे थप अनुसन्धान भइरहेको प्रहरीले डिएसपि धितालले बताए ।