निर्मला हत्याकाण्ड : आखामा कालोपट्टी बाधेर सडकमा

कञ्चनपुर । बलात्कारपछि हत्या गरिएकी निर्मला पन्तका लागि न्याय माग्दै कञ्चनपुरका महिलाहरू आँखामा कालोपट्टी बाँध्दै सडकमा सुतेका छन् । निर्मला हत्या प्रकरण भएदेखि नै न्याय माग्दै विभिन्न आन्दोलनका कार्यक्रम गर्दै आएका महिला अधिकारकर्मी सहितका स्थानीय महिला सडकमा सुतेका हुन् ।
जिल्ला प्रशासन कार्यालय कञ्चनपुरको मुलगेट अगाडिको सडकमा मंगलबार आँखामा कालोपट्टै बाध्दै महिलाहरू सुतेका हुन् । यसअघि जिल्ला प्रशासन अगाडि उनीहरूले धर्ना समेत दिएका थिए ।
निर्मलाको हत्या भएको चार महिना पुग्दा समेत प्रहरीले हत्यारा सार्वजनिक नगरेको भन्दै कञ्चनपुर सहित देशभर विरोध प्रर्दशन भइरहेको छ ।