जीप दुर्घटना हुँदा एकको मृत्यु, आठ घाइते

डडेल्धुरा । डडेल्धुरामा जीप दुर्घटना हुँदा एक जनाको मृत्यु भएको छ । जिल्ला सदरमुकाम डडेल्धुराबाट गन्यापधुरा गाउँपालिकातर्फ गइरहेको से १ ज ३११ नम्बरको जीप गन्यापधुरा गाउँपालिका–२, मैलोडामा दुर्घटना हुँदा कुमारी देउवाको मृत्यु भएको जिल्ला प्रहरी कार्यालय डडेल्धुराले जनाएको छ । दुर्घटनामा परी अन्य ८ जना घाइते भएका छन् ।
घाइते हुनेमा गन्यापधुरा गाउँपालिका २ का कर्ण देउवा, सरुदेवी देउवा, लोकेन्द्र देउवा, बिमला देउवा, योगेन्द्र देउवा, सुवास देउवा, देवबहादुर देउवा, मनिषा देउवा रहेका छन् ।
घाइतेहरुको उपक्षेत्रीय अपस्ताल डडेल्धुरामा उपचार भइरहेको र दुर्घटना परी गम्भीर घाइते भएका ६ वर्षिय सुवास देउवालाई धनगढी रेफर गरिएको जिल्ला प्रहरी कार्यालयका प्रहरी नायव उपरिक्षक डम्बरबहादुर केसीले बताए ।