कैलालीमा खोलामा डुबेर दुई बालिकाको मृत्यु

धनगढी । कैलालीको रोरा खोलामा डुबेर दुई बालिकाको मृत्यु भएको छ । उनीहरुको बुधबार खोलामा नुहाउने क्रममा डुबेर मृत्यु भएको हो ।
मृत्यु हुनेमा लम्कीचुहा नगरपालिका २, बगौराका हरी ढकालकी १५ वर्षीया छोरी संगिता ढकाल र सोहि ठाउका कर्णप्रसाद धमालाकी १४ वर्षीया पुष्पा धमाला रहेको जिल्ला प्रहरी कार्यालय कैलालीले जनाएको छ ।
उनीहरु बाख्रा चराउन रोरा खोलाको किनारामा गएको र गर्मी भएको भन्दै खोलामा नुहाउन गएपछि डुबेको प्रहरीको भनाई छ । दुबैको घटनास्थलमै मृत्यु भएको कैलाली प्रहरी प्रबक्ता डीएसपी हरि ओलीले बताए ।
ढकाल स्थानीय जनसेवा मावि गणेशपुरमा कक्षा ७ मा र धमाला जनप्रभात मावि तिलकपुरमा कक्षा ७ मा अध्ययनरत थिइन् । मृतक दुईटै बालिकाको शव बरामद गरी आफन्तलाई बुझाएको डीएसपी ओलीले जानकारी दिए ।