बाढीपीडितका लागि एमाले बागमती प्रदेशले दियो १० लाख
काठमाडौं / नेकपा एमाले बागमती प्रदेश कमिटीले रसुवालगायत बाढी प्रभावित क्षेत्रका पीडितको सहयोगार्थ १० लाख रुपियाँ प्रदान गरेको छ।
एमाले अध्यक्ष एवं पूर्वप्रधानमन्त्री केपी शर्मा ओलीलाई बागमती प्रदेश कमिटीका तर्फबाट १० लाख रुपियाँको चेक हस्तान्तरण गरिएको हो। सो रकम पार्टीको केन्द्रीय कोषमा जम्मा हुनेगरी प्रदान गरिएको बताइएको छ।
बाढीबाट प्रभावित नागरिकको उद्धार, राहत तथा पुनःस्थापनामा सहयोग पुर्याउने उद्देश्यले प्रदेश कमिटीले उक्त रकम उपलब्ध गराएको हो।
भोटेकोशी नदीमा आएको बाढीका कारण रसुवासहित आसपासका जिल्लामा ठूलो जनधनको क्षति भएपछि विभिन्न राजनीतिक दल, संघसंस्था, निजी क्षेत्र तथा सर्वसाधारणले पीडितका लागि सहयोग जुटाइरहेका छन्।
