दार्चुलामा ट्याक्टर दुर्घटनामा दुईको मृत्यु
धनगढी । दार्चुलामा शनिबार साँझ ट्याक्टर दुर्घटनामा दुई जनाको मृत्यु भएको छ । दुर्घटनामा दुई जना घाइते भएका छन् । दार्चुलाको सदरमुकाम खलंगाबाट शैल्यशिखर नगरपालिकाको गोकुलेश्वर गइरहेको ट्याक्टर शनिबार साँझ साढे सात बजेतिर दुर्घटना भएको बताइएको छ ।
दार्चुलाबाट पत्रकार मनोज बडूले दिएको जानकारी अनुसार सदरमुकाम खलंगाबाट गोकुलेश्वर जाँदै गरेको ट्याक्टर वडा नम्बर ६, उल्लानीमा दुर्घटना भएको हो ।
दुर्घटनामा चौधरी थरका चालक र अर्का एक जना स्थानीयको निधन भएको जिल्ला प्रहरी कार्यालय, दार्चुलाले जनाएको छ । घटनास्थलमा प्रहरी टोली परिचालन भइसकेको छ । घटनाको पूर्ण विवरण आउन बाँकी रहेको जिल्ला प्रहरी कार्यालयले जनाएको छ ।
