थारु पत्रकार संघमा पुनः प्रेम

धनगढी । थारु पत्रकार संघ कैलालीको अध्यक्षमा पुनः प्रेम चौधरी चयन भएका छन् । शुक्रबार धनगढीमा भएको संघको अधिवेशनबाट प्रेमको अध्यक्षतामा सर्वसम्मतीले ११ सदस्यीय कार्यसमिति चयन गरिएको छ ।

संघको उपाध्यक्षमा सागर कुश्मी, सचिवमा दिनेश दहित, सहसचिवमा सुधराम दहित र कोषाध्यक्षमा भानुप्रताप रानाथारु चयन भएका छन् ।
त्यसैगरी, सदस्यहरूमा रामदुलारी रानाथारु, नरेन्द्र चौधरी, प्रेमलाल चौधरी र बलराम चौधरी चयन भएका छन् ।
त्यस्तै, थारु पत्रकार संघको केन्द्रीय अधिवेशनका लागि केन्द्रीय प्रतिनिधि र पर्यवेक्षकसमेत चयन गरिएको छ । कैलालीमा थारु समुदायका ४४ जना पत्रकार रहेका छन् ।