कैदीलाई कारागारमै नागरिकता वितरण

“म केही दिन पहिले कारागारमा गएको बेला कैदीका समस्या के छन् भनेर बुझ्दा निजले नागरिकता पाइन भनेर गुनासो गरे”, उनले भने, “नागरिकता पाउनु नेपालीको नैसर्गिक अधिकार भएकाले कारागारमै गएर नागरिकता दिएका हौँ ।”

जिप्रकाका प्रशासकीय अधिकृत सन्तोष शर्माको हस्ताक्षरमा जारी गरी नेपाली नागरिकताको प्रमाणपत्र प्रदान गरिएको हो । निजको नागरिकता नभएका कारण निजकी श्रीमतीको नागरिकता तथा छोराछोरीको जन्म दर्ता गराउन समस्या भएको भन्ने जानकारी आएपछि प्रजिअको आदेशमा नागरिकता प्रदान गरिएको शर्माले बताए ।

विकलाई नागरिकता प्रमाणपत्र प्रदान गरेपछि निजकै सनाखतमा रहने गरी निजकी श्रीमतीले समेत नेपाली नागरिकताको प्रमाणपत्र लिएको प्रशासकीय अधिकृत शर्माले जानकारी दिए । नागरिकता पाएपछि विक तथा उहाँकी श्रीमती निकै खुशी भएका छन् ।

पछिल्लो समय जिल्ला कारागार डोटीमा कैदीलाई सजिलो होस् भन्नाका लागि कारागारमा पुस्तकालय, मानअधिकार तालीम तथा साप्ताहिक रुपमा कैदीको स्वास्थ्य जाँच गर्न थालिएको छ । कारागारमै नागरिकता पाएका दोषी विक विसं २०७४ मा जबर्जस्ती करणीको मुद्दामा पक्राउ परी कैद भुक्तान गरिरहेको कारागार प्रशासनले जनाएको छ ।