भीरबाट लेडेर एकको मृत्यु

बैतडी । बैतडीको सिगासमा भीरबाट लडेर एक जनाको मृत्यु भएको छ । प्रहरीका अनुसार बैतडीको सिगास गाउँपालिका वडा नम्बर ३ को भूमिराज मन्दिर डुडैमा लागेको जात्रा हेर्न गएका वडा नम्बर ५ का २० वर्षका वीरे चुनाराको भिरबाट लडेर मृत्यु भएको हो ।
‘मेलामा केही गलत काम भइरहेको’ भन्ने सूचना पाएपछि सिगास प्रहरी चौकीबाट खटिएको टोलीले जाँचबुझ गर्न जाँदा एक्कासी भागदौडका क्रममा दुर्घटना भएको जिल्ला प्रहरी कार्यालय बैतडीका प्रहरी प्रवक्ता कान्तिराज जोशीले बताए । घटनामा अन्य तीन जना घाइते भएका छन् ।
भूमिराज मन्दिरमा लागेको रतेडी मेलामा मन्दिरबाट पाँच सय मिटर पर सो घटना भएको वडा नम्बर ३ का वडा अध्यक्ष शेरसिंह बोहराले जानकारी दिए ।
उनका अनुसार त्यहाँ जुवा–तास खेल्नेहरूको अखडा रहेको जनाइएको छ ।