जीप दुर्घटना दुई जनाको मृत्यु, १२ जना घाईते

बझांग । बझांगको बुंगल नगरपालीका वडा नम्बर ५ मिणीबगरमा आज बिहान जीप दुर्घटना हुँदा दुई जनाको मृत्यु भएको छ भने १२ जना घाइते भएका छन् ।
बागथलाबाट बिजगडा जान लागेको से १ ज ७२६ नम्बरको जीप सडकबाट तल खसेको हो । दुर्घटनामा कञ्चरपुरका बेदकोट–५ की बर्षीया विष्णादेवी बोहरा र कैलालीको घोडाघोडी–५ का ५६ बर्षीय धनबहादुर बोहरा मृत्यु भएको छ ।
जिल्ला प्रहरी कार्यलय बझांगका अनुसार जीप दुर्घटनामा परी १२ जना घाईते भएका छन् । बेदकोटका मुडु बोहरा, प्रेम बोहरा, कविता बोहरा, माया बोहरा, लालमती बोहरा, चन्द्रसिंह बोहरा, विरेन्द्र बोहरा घाईते भएका छन् । घाईते हुनेमा बुंगल–६ का नरेन्द्र कुँवर, कृष्ण कुवर, बुंगल–८ का धिरेन्द्र बोहरा पनि छन् । जीपका चालक केदार स्युँ गाँउपालिकाका रणबहादुर खाती र सहचालक सुनील खाती समेत घाईते छन् ।
बुंगलको देउरा स्वास्थ्य चौकीमा घाईतेहरुको उपचार भइरहेको छ । घटना कारण खुल्न नसकेको प्रहरीले जनाएको छ । बुंगल नगरपालीकामा पुजा आजा गर्नका लागि उनीहरु मन्दिर तर्फ जाने क्रममा जीप दुर्घटना भएको प्रहरीले जनाएको छ ।