१४ मंसिर २०७९, बुधबार

कर्मचारीले संघीयता चल्दैन कि भनेर शंका नगरे हुन्छः सहसचिव सुनार



धनगढी। धनगढी उपमहानगरपालिकाका प्रमुख प्रशासकीय अधिकृत (सहसचिव) सन्तबहादुर सुनारले संघीयता चल्दैन कि भनेर कर्मचारीहरु खटाएको काममा नगएका बताएका छन् । विहीबार धानगढीमा भएको एक कार्यक्रमलाई सम्वोधन गर्दै सुनारले यस्तो कुरा बताएका हुन् ।
संघीयतामा ७६१ वटा सबै सरकार नै हुन् । सबै अधिकार सम्पन्न छन् । सबै सरकारहरुले नागरिकलाई दिनुपर्ने सेवाहरु उत्तिकै महत्वपूर्ण छन् । केन्द्रका कर्मचारी केन्द्रमै चिप्किरहेका छन् । जिल्लामा बसेका अधिकृतहरु स्थानीय तहमा जादैनन यो कमजोर मानसिकता हो । सबै काम र योजनाहरु स्थानीय तहमा छन् । त्यहा“ विज्ञको खाचो छ । विज्ञहरु स्थानीय तहमा जादैनन भने योजना कसरी बन्छ ? बजेट खर्च कसरी हुन्छ ? विकास कसरी हुन्छ ? जनताले सेवा कसरी पाउछन ? २० वर्ष अघि धनगढी मै पनि अधिकृतहरु आउन चाहादैन थे । अहिले म सहसचिव उपमहानगरपालिकामा छु काम गर्न भ्याइनभ्याइ छ । ७६१ सरकारै हुन । शिक्षाका अधिकृतहरु विभागमा हाजिर लगाएर बसिरहनु विडम्वना हो । धनगढी उपमहानगरमा कृषिमा उपसचिवको दरबन्दी छ अहिले खरिदार मात्रै छन् । कृषिमा हुनसक्ने अर्बको बजेट कसरी खर्च हुन्छ ?
संघीय नेपालका लागि यो वर्ष कानून वर्ष, नीति नियम वर्ष, कार्यविधि वर्ष, मापदण्ड वर्ष हो । संघीय कानून परिवर्तन हुदैछन् । यसैका आधारमा प्रदेश र स्थानीय तहमा पनि नीति बनाउने र थिति बसाल्ने वर्ष हो यो । जनप्रतिनिधिहरुले चुनावमा जनतालाई आश्वासन बा“डनु भएको होला । सबै कुरा एकैचोटी बन्दैनन् । विकास नागरिकको अधिकार हो कर तिर्नु दायित्व हो, अधिकार प्राप्त गर्न दायित्व पनि पूरा गर्नु पर्दछ हामीले यो कुरा पनि सबैलाई राम्ररी बुझाउन सकेका छैनौं ।
कर्मचारीहरु संघीयता चल्दैन कि भनेर पर्खेर बसेका छन् । खटाएको काममा गएका छैनन् । स्थानीय तहमा कर्मचारी अभाव छ । एकै आमा बाबुका छुट्टिएका छोराहरु, बुहारीहरु एकै ठाउमा बसेका छन् ? छुट्टि सकेपछि एकै भान्सामा पकाएर खाऊ भन्न सकिन्छ ? भन्न सकिदैन, बस्दैनन पनि । कर्मचारीहरुले स्थानीय तहमा गएर सेवा दिनुको विकल्प छैन ।

प्रस्तुतिः एकिन्द्र तिमिल्सिना

प्रतिक्रिया दिनुहोस्