१८ वर्षपछि अनिल र माधुरीको जोडी

अनिल कपुर र माधुरी दिक्षित एक समय बलिउडमा तहल्का पिटेका जोडी हुन् । तर, उनीहरु सँगै नदेखिएको जुग भइसकेको छ ।
पछिल्लोपटक सन् २००० मा बनेको फिल्म ‘पुकार’ मा उनीहरुले स्क्रिन सेयर गरेका थिए । त्यसपछि माधुरीले बिहे गरिन् र उनको फिल्म खेल्ने रफ्तार कम भएर गयो । अनिल कपुरले पनि फिल्ममा गतिलो रोल पाउन छोडे ।
अहिले निर्देशक इन्द्र कुमारले यो जोडीको पुनरागमन गराएर रिस्क मोलेका छन् । उनको आगामी फिल्म ‘टोटल धमाल’ मा अनिल कपुर र माधुरी दिक्षित जोडीको रुपमा देखिने छन् । हुन त यो फिल्ममा अजय देवगण प्रमुख भूमिकामा हुनेछन् ।

यो धमाल सिरिजको फिल्म हो । फिल्म कमेडीमा आधारित हुनेछ । माधुरी दिक्षितले कमेडी फिल्ममा निकै कम मात्रै अभिनय गरेकी छिन् । त्यसैले उनी यो फिल्मलाई लिएर उत्साहित छिन् ।
‘मैले लामो समययता कमेडी फिल्ममा काम गरेको छैन, त्यसैले इन्द्र कुमारजीको प्रस्ताव स्वीकार गरेँ,’ उनी भन्छिन् ।
टोटल धमालको फस्र्ट लुक सार्वजनिक भइसकेको छ । जसमा धेरैले सकारात्मक प्रतिक्रिया जनाएका छन् । कतिपय यो जोडी पुरानै र्फममा देखिएको भन्दै प्रशंसा गरेका छन् । कतिले चाहिँ उनीहरु बुढाबुढी भइसकेको टिप्पणी पनि गरेका छन् ।