सात नम्बरको संसद बैठक ८ गते बस्ने

धनगढी । सात नम्बर प्रदेश सभा संसदको बैठक चैत ८ गते बिहीबार दिउँसो २ बजे बस्ने भएको छ ।
सातौ पटक बस्न थालेको बैठकले चारवटा संसदीय समितिका सदस्यहरूको नाम अनुमोदन गर्ने सम्भावना रहेको छ । यद्यपि संसद बैठकको कार्यसूची बिहीबार बिहान ११ बजे बस्ने कार्य व्यवस्था परामर्श समितिको बैठकले टुङ्गो लगाउने संसद सचिवालयका सचिव बालाराम शर्माले बताए ।
सात नम्बर प्रदेशको संसदमा सार्वजनिक लेखा समिति, बिधायन समिति, प्रदेश मामिला समिति र अर्थ विकास समिति रहने व्यवस्था संसदले यसअघि नै गरिसकेको छ ।
बिहीबारको संसदले लोगो निर्माण समितिका सदस्यको नाम पनि अनुमोदन गर्ने सम्भावना रहेको छ ।