कारको सौखिन ‘बाहुवली’की अनुष्का



हिन्दी चलचित्र ‘बाहुबली’मा देवसेनाको भुमिका निर्वाह गरेकी नायिका अनुष्का शेट्ठी कारको सौखिन् छिन् । चलचित्रमा आउनु अघि उनको नाम स्विटी थियो । उनको नाम मात्रै नभएर मान्छे पनि स्विटी नै छिन् । उनले आफ्नो सिनियर ड्राइभरलाई १२ लाख मुल्य बराबरको कार उपहार दिएकी थिइन् ।
१४० करोड सम्पत्तिको मालिक्नी अनुष्का हैदराबादको पास क्षेत्रमा जुबली हिल्समा बसोबास गर्छिन् । उनी अहिले एउटा चलचित्रमा काम गरेवापत पाँच करोडसम्म पारिश्रमिक लिन्छिन् । लक्जरी कारकी सौखिन अनुष्कासँग अहिले केही ब्राण्डेड कार छ ।
‘एमबीएस ज्वेलर्स, द चेन्नई सिल्क, इन्टेक्स मोबाइल’ लगायतका विज्ञापनमा उनले मोडलिङ समेत गरेकी छिन् ।अभिनयमा आउनु अघि उनी योगा प्रशिक्षक थिइन् । उनको परिवारका अन्य कुनै पनि सदस्य चलचित्रमा आबद्ध छैनन् । योग प्रशिक्षक भरत ठाकुरसँग काम गर्ने क्रममा एक निर्देशकले उनलाई चलचित्र खेल्ने प्रस्ताव राखेका थिए ।
दक्षिण भारतका लोकप्रिय कमेडियन अली बाशाले हिन्दी चलचित्र ‘जिरो साइज’ को अडियो लञ्चको अवसरमा उनको बारेमा भद्दा कमेन्ट गरेका थिए । उनले भनेका थिए कि-‘अनुष्का शेट्ठी गरम जुलेवी जस्तै हुन्, जो कोही खान चाहन्छ ।’
अनुष्का र प्रभासले केही चलचित्रमा एकसाथ काम गरेका छन् । यहि कारण उनीहरुको अफेयरको हल्ला समेत चल्यो । यतिसम्मकी उनीहरुले विवाह गर्न लागेको चर्चा समेत चल्यो । तर, अन्तिममा दुबैले आफुहरु साथी मात्रै भएको धारणा सार्वजनिक गरे ।

प्रतिक्रिया दिनुहोस्