डेढ सय करोडमा रणवीर र आलियाको फिल्म

निर्देशक आयन मुखर्जी महंगो बजेटमा सुपरहिरो चलचित्र निर्देशनको तयारीमा छन् । यो चलचित्रमा नायक रणवीर कपुर, नायिका आलिया भट्टको साथमा चर्चित अभिनेता अमिताभ बच्चनले काम गर्दैछन् । कलाकारको कोणबाट यो चलचित्र पावरफूल छ ।
तर, निर्देशक मुखर्जी आफ्नो चलचित्र मेकिङको हिसाबले पनि हलिउड स्टान्डर्डको हुने दाबी गरिरहेका छन् । उनले आफ्नो करिअरकै सबैभन्दा सफल चलचित्र यहि नै हुने समेत बताए । चलचित्रको नाम ‘ब्रम्हास्त्र’ राखिएको छ ।
सन् २०१९ मा यो चलचित्र रिलिज गर्ने आयानको भनाई छ । चलचित्रको लागि डेढ सय करोडको बजेट लाग्ने बताइएको छ । बलिउडमा डेढ सय करोडमा कमै मात्र चलचित्र बन्ने गरेका छन् । यो चलचित्रलाई थ्रीडी प्रविधीमा प्रदर्शन गरिनेछ ।