वर्दगाेरियामा मतगणना स्थगित
धनगढी । कैलालीकाे वर्दगाेरिया गाउँपालिकामा मतगणना स्थगित भएकाे छ ।
वडा नम्बर १ काे मतपत्रमा गाइ र रूखमा वडा अध्यक्षाका लागि परेकाे मत दाेहाेराे छाँप लागेकाे भनेर निर्वाचन अधिकृतले बदर गरेेपछि नेपाली काँग्रेसले विराेध गर्दा मतगणना स्थगित भएकाे हाे ।
राजनीतिक दलका प्रतिनीधिहरूले मतपत्र हेरेर काँग्रेसलाइ सदर गरेकाे मत निर्वाचन अधिकृतले बदर गर्न नमिल्ने भन्दै काँग्रेसले मतगणना गर्न अवराेध गरेकाे छ ।
विवाद समाधान नभएसम्म मतगणना शुरू नहुने जानकारी अाएकाे मतगणना स्थलबाट पत्रकार लक्ष्मी प्रसाद जाेशीले जानकारी दिए ।
उक्त गाउपालिकामा अहिलेकाे समयसम्म वडा नम्बर १ काे ९०० र ६ काे ६०० गरि १५ सय मतपत्र गणना भइसकेकाे छ । १५ सय मतगणना हुँदा नेकपा एमालेका उम्मेदवार कर्णा कुँवरले अग्रता ल्याएका छन् । उनले तीन सय ९५ र प्रितद्वन्दी माअाेवादीका उम्मेदवार गणेशराज गिरीले २ सय ९४ मत प्राप्त गरेका छन् ।
