बेलि डान्सर अनिताको नेपाली गीतमा ‘बोल्ड डान्स’

बेलायतमा बसेर अन्तर्राष्ट्रिय मोडलिङ प्रतिस्पर्धामा सहभागिता जनाउँदै आएकी मोडेल तथा बेलि डान्सर अनिता लिम्बु गायिका प्रीति आलेको गीतमा धमकेदार नृत्य प्रस्तुत गरेकी छन् ।
अङ्ग्रेजी तथा अफ्रिकन गीतमा समेत मोडलिङ गरिसकेकी लिम्बुले प्रीति आलेको स्वरमा रहेको ‘मन त नेपाली हो’ भन्ने भिडियोमा सोलो डान्स प्रस्तुत गरेकी छन् । लिम्बुले हट एण्ड बोल्ड सिन दिएकी छन् ।
उक्त भिडियो निकेश खड्काले निर्देशन गरेका हुन् । गीत र कम्पोज अशुसेन लामाको छ । केही महिना यता नेपालमा रहेकी अनिताले मोडलिङ र अन्य प्रोजेक्टमा काम गरिरहेको बताइन् ।
एक अफ्रिकन गायकको ‘लेमोन्ट चितेपो’मा समेत मोडलिङ गरिसकेकी अनिताले ‘मिस स्पार्कलिङ ब्यूटी सो, युके तथा स्विडेनमा मा फस्ट रनर अपको उपाधि तथा ‘अक्सफोर्ड फेसन विक’को दसौँ सिजनमा सहभागिता जनाइसकेकी छिन् ।
लन्डन र पेरिसमा सम्पन्न ‘फेस अफ दि ग्लोब’मा छनोट समेत भइसकेकी उनी बुटिङहरुमा ‘कमर्सियल फोटोसुट’ समेत गर्दै आएकी छिन् ।
मिस च्यारिटीमा टपटेन, बर्मिङहममा फेसन मोडलिङ सो मार्फत पनि अनिता चर्चित छिन् । लन्डनमा आयोजना हुने अधिकांश फेसन सो, मिस च्यारिटीलगायतमा अनिताले सहभागिता जनाएकै हुन्छिन् ।