६ मंसिर २०८३, शनिबार

धनगढीमा डिजिटल बोर्डमार्फत एनपीएल फाइनलको प्रत्यक्ष प्रसारण गरिने



धनगढी / नेपाल प्रिमियर लिग (एनपीएल) को तेस्रो संस्करणअन्तर्गत आज हुने सुदूरपश्चिम रोयल्स र लुम्बिनी लायन्सबीचको फाइनल खेल धनगढीमा डिजिटल बोर्डमार्फत प्रत्यक्ष प्रसारण गरिने भएको छ ।

धनगढी उपमहानगरपालिकाले धनगढी उपमहानगरपालिका–१ स्थित जेन्जी मार्गमा रहेको डिजिटल बोर्डमार्फत खेलको प्रत्यक्ष प्रसारण गर्ने व्यवस्था मिलाएको हो ।

उपमहानगरपालिकाका मेयर गोपाल हमालले सामाजिक सञ्जाल फेसबुकमार्फत जानकारी दिँदै आज साँझ ५ बजेदेखि खेल प्रत्यक्ष हेर्न सकिने बताएका छन् ।

खेल हेर्न आउने दर्शकलाई विद्युत् आपूर्तिमा हुन सक्ने अवरोधले समस्या नपरोस् भन्ने उद्देश्यले उपमहानगरपालिकाले जेनेरेटरको समेत व्यवस्था गरेको जनाएको छ ।

एनपीएलको फाइनलमा सुदूरपश्चिम रोयल्सले उपाधिका लागि लुम्बिनी लायन्ससँग प्रतिस्पर्धा गर्दैछ । सुदूरपश्चिमको खेललाई लिएर यस क्षेत्रका क्रिकेटप्रेमीमा उत्साह बढिरहेका बेला उपमहानगरपालिकाले सार्वजनिक स्थानमा प्रत्यक्ष प्रसारणको व्यवस्था गरेको हो ।

यस व्यवस्थाले क्रिकेटप्रेमीलाई सामूहिक रूपमा फाइनल खेल हेर्ने अवसर प्रदान गर्नेछ ।


प्रतिक्रिया दिनुहोस्
ताजा समाचार