डल्फिन महोत्सव आयोजना हुँदै

टीकापुर । कैलालीको मोहना, पथरैया र काडाा नदी छेउमा चौथो डल्फिन महोत्सवको आयोजना हुने भएको छ ।

कैलाली होटल व्यवसायी संघको आयोजनामा तीन दिनसम्म डल्फिन महोत्सवको हुने जनाइएको छ । संघका महासचिव तेज बोहराले आगामी २८ देखि ३० गतेसम्म डल्फिन महोत्सव आयोजना हुने जानकारी दिए ।
महोत्सवमा डल्फिन तथा जलचर प्राणी अवलोकन, र्‍याफ्टीङ, देउडा गीत प्रतियोगिता, स्थानीय जातजातिका सांस्कृतिक झाँकी समावेश हुने आयोजकले जनाएको छ ।
महोत्सव आयोजनाको लागि कैलाली होटल व्यवसायी संघका अध्यक्ष नरेन्द्रबहादुर शाहीको संयोजकत्वमा ७५ सदस्यीय मूल आयोजक समिति गठन गरिएको छ ।
त्यस्तै, १७ वटा उपसमिति पनि गठन गरिएको संघका अध्यक्ष शाहीले बताए । महोत्सवमा १० लाख रुपैया“ खर्च हुने अनुमान गरिएकोा छ ।