जीप दुर्घटनामा तीनकाे मृत्यु
धनगढी । बान्नीगढि जयगढ गाउपालिकामा भएको जीप दुर्घटनामा ज्यान गुमाउनेको संख्या ३ पुगेको छ ।
एक जनाको घटना स्थलमै र अरु दुई जनाको उपचारका क्रममा बयालपाटा अस्पतालमा मृत्यु भएको हो । दुर्घटना स्थलमा बान्नीगढी जयगढ गाउँपालिका वडा नम्बर ४ का अशोक परियारले मृत्यु भएको थियो भने उपचारका क्रममा बान्नीगढी जयगढ गाउँपालिका वडा नम्वर ४ कै काले परियार र बैतडि घर भै अछाममा सवारी चालकको काम गर्दै आएका लाल बोहराले ज्यान गुमाएका हुन् ।
मुजाबगरबाट जयगढ आउदै गरेको से १ ज ९९५ नम्वरको जीप जयगढ माझेठाना सडक खण्ड अन्तर्गत सुकिबाग डिल्ली बजार नजिक बुधवार साँझ सडक बाट करिव ५ सय मिटर तल खस्दा दुर्घना भएको थियो । घाईते हुनेमा बान्नीगढि जयगढ गाउँपालिका वडा नम्वर ४ का तर्क तिमिल्सेना कैलाली घोडाघोडि नगरपालिकाका सवारी चालक जँङिर चौधरी, कैलाली धनगढि उपमहानगरपालिकाका घनश्याम चौधरी रहेका छन् । घाईतेको बयालपाटा अस्पतालमा उपचार भईरहेको छ ।
