राज्यमन्त्री प्रकाश वम चढेको गाडी दुर्घटना

धनगढी/ सुदूरपश्चिम प्रदेश सरकारका आर्थिक मामिला राज्यमन्त्री प्रकाशबहादुर वम चढेको गाडी शनिबार बेलुकातिर दुर्घटना भएको छ । राज्यमन्त्री वम खतरामुक्त रहेका छन् ।

जिल्ला प्रहरी कार्यालयका सह–प्रवक्ता प्रहरी निरीक्षक दर्शन खड्काका अनुसार राज्यमन्त्री बम चढेको प्रदेश ३०१०२४ च ३७२९ नम्बरको गाडी भारतको खिरी जिल्लाको पलियामा दुर्घटना भएको हो । राज्यमन्त्री बम चढेको गाडी भारतीय कारसंग ठोक्किएर दुर्घटना भएको उनले बताए । उनले दुर्घटनामा परेका राज्यमन्त्री वम सकुशल छन् ।

राज्यमन्त्री वमलाई सामान्य चोटपटकमात्रै लागेको जनाइएको छ । राज्यमन्त्री वमको धनगढीस्थित निसर्ग अस्पतालमा उपचार भइरहेको छ । “राज्यमन्त्री ज्यूको अवस्था सामान्य रहेको छ”, प्रहरी निरीक्षक खड्काले भने ,“दुर्घटनामा कसैलाई पनि धेरै चोटपटक लागेको छैन ।”

भारतीय नम्बर प्लेटको कारसंग ठोक्किएपछि राज्यमन्त्री चढेको गाडीलाई भारतीय प्रहरीले नियन्त्रणमा लिएको जनाइएको छ ।