ओल्के पर्व मनाउन माइत हिँडेकी महिलाको गरगहना लुटियो
डोटी / डोटीमा ओल्के पर्व मनाउन माइत हिँडेकी महिलाको गरगहना लुटिएको छ ।
सायल गाउँपालिका वडानम्बर ६ कटुवालगाउँकी २७ वर्षीय पार्वती कटुवालले लगाएको सुनको गरगहना लुटिएको प्रहरीले जनाएको छ ।
इलाका प्रहरी कार्यालय आदर्शका इन्चार्ज प्रहरी निरीक्षक यज्ञराज जोशीका अनुसार कटुवालको तीन तोला बराबरको सुनको गहना लुटिएको हो ।
आदर्श गाउँपालिका वडानम्बर ६ थलास्थित माइती घर जाँदै गर्दा आदर्श गाउँपालिका वडानम्बर ३ मा पर्ने अलिचौर जंगलमा बुधबार बिहान ११ः ३० बजेको समयमा उनीमाथि लुटपाट भएको प्रहरी निरीक्षक जोशीले बताए ।
लुटपाटमा संलग्न व्यक्ति फरार छन् । उनको खोजी कार्य भइरहेको प्रहरी निरीक्षक जोशीले बताए ।
