बालक मृत अवस्थामा फेला

कञ्चनपुर । कञ्चनपुरको कृष्णपुर नगरपालिमा सोमबार एक बालक मृत अवस्थामा फेला परेका छन् । सोमबार बिहान ५ बजेतिर कृष्णपुर नगरपालिका वडा नम्बर ४ का १२ वर्षीय विवेक बम मृत अवस्थामा फेला परेको प्रहरीले जनाएको छ । उनी आइतबारदेखि बेपत्ता अवस्थामा रहेको कञ्चनपुर प्रहरीले जनाएको छ ।
विवेकको शव उनको घरभन्दा टाढा छिमेकीको गोठमा फेला परेको गुलरियास्थित इलाका प्रहरी कार्यालयले जनाएको छ । कानबाट रगत बगेको र पिठ्युमा निलडाम देखिएकोले स्थानीयले हत्याको आशंका गरेका छन् । घटना बारे अनुसन्धान भइरहेको जिल्ला प्रहरी कार्यालय कञ्चनपुरले जनाएको छ ।