नारदमुनी ओलीको प्यानलमा परेनन्
धनगढी/ नेकपा (एमाले) को ११ औ महाधिवेशनमा हालका पोलिटब्युरो सदस्य नारदमुनी राना अध्यक्षका उम्मेदवार केपी शर्मा ओलीको प्यानलमा नपर्दा निकटस्थहरु आक्रोशित भएका छन् ।
राना लामो समयदेखि ओली समुहमा रहदै आएका छन् । ०६४ मा संविधान सभा सदस्य र २०७४ मा डा. आरजु राणादेउवाललाई पराजित गरेका राना कैलाली क्षेत्र नम्बर ५ मा लोकप्रिय छन् ।
उनी ०४९ मा तत्कालिन धनगढी नगरपालिकाका उपमेयर पनि थिए ।
यसैबीचमा सचिवमा उठाउन खोजिएका लेखराज भटट्लाई उपमहासचिवमा मनोनयन गराइएको छ । भट्टले सचिवमा उम्मेदवारी दिन नमानेपछि भानुभक्त ढकाललाई सचिवमा राखेर भट्टलाई उपमहासचिव बनाइको छ ।
भट्ट निकटले नारदलाई ओली प्यानलमा राख्ने प्रयास भइरहेको बताएको छ ।
एमालेले आज मनोनयन गराएको छ भने पुस १ गते चुनाव हुनेछ ।
