मोटरसाइकलको ठक्करबाट एक जनाको मृत्यु
घोडाघोडी/ कैलाली जिल्लाको घोडाघोडी नगरपालिका–१ जनकपुरमा मोटरसाइकलको ठक्करबाट एक जनाको मृत्यु भएको छ । इलाका प्रहरी कार्यालय सुखडका प्रहरी नायव उपरीक्षक दीपेन्द्रकुमार पालका अनुसार सडकमा हिँडिरहेको अवस्थामा सुपप्र ०१०१० प १७४ नम्बरको मोटरसाइकलले ठक्कर दिँदा ७८ वर्षीय मणीराम सापकोटाको मृत्यु भएको छ ।
शुक्रबार दिउँसो ४ बजेतिर मोटरसाइकलले ठक्कर दिँदा गम्भीर घाइते भएका सापकोटालाई घोडाघोडी अस्पतालमा लगिएको लगत्तै मृत घोषणा गरिएको थियो ।
प्रनाउ पालले मोटरसाइकल चालक घोडाघोडी नगरपालिका १ बेलारका २५ वर्षीय खडक रेग्मी प्रहरीको नियन्त्रणमा रहेको बताए । 
