कैलाली बहुमुखी क्याम्पसमा एमाले र समाजवादीका विद्यार्थीको गठवन्धन
धनगढी/ नेकपा (एमाले ) र सो पार्टीबाट अलग्गिएको नेकपा (एकीकृत समाजवादी) बीच पानी बाराबारको अवस्था भए पनि कैलाली बहुमुखी क्याम्पसको स्ववियू चुनावमा भने दुईवटै पार्टी निकट विद्यार्थीहरु गठवन्धनमा बनाएर चुनावमा होमिएका छन् ।
चैत ८ गते हुने चुनावका लागि एमाले अखिलका तर्फबाट यमराज जोशी सभापति र एकीकृत समाजवादीको अखिलबाट रमेशबहादुर बोहरा सचिव उम्मेदवार भएका छन् । सो टीममा पुष्प राना विप्लव उपसभापति, सहसचिवमा पुन्ना जैशी र पूजा शाह कोषाध्यक्ष उठेका छन् ।
यस्तै सदस्यमा पूर्णराज जोशी,, दिपक विक, कपिल भट्ट, लोकेन्द्र चौधरी, दिपक चौधरी, तुलसी खत्री, धिरेन्द्र बोहरा, मनिष बोहरा र वसन्ती साउद छन् ।
