टीकापुरमा खैरो हिरोइनसहित दुई युवती पक्राउ
टीकापुर । कैलालीको टीकापुरबाट प्रहरीले लागुऔषध खैरो हेरोइन सहित २ युवतीलाई पक्राउ गरेको छ ।
प्रहरी चौकी कालाकुण्डाबाट खटिएको प्रहरी टोलीले टीकापुर नगरपालिका वडा नम्बर ७ कालाकुण्डाबाट सोही वडाको वैदीका २४ वर्षिया दिलु पाण्डे र १६ वर्षिया राधा पाण्डेलाई पक्राउ गरेको हो ।
सोमबार दिउँसो साँढे ४ बजेतिर पक्राउ परेका उनीहरूको साथबाट करिब ९.९५० ग्राम लागुऔषध खैरो हिरोइन बरामद गरिएको इलाका प्रहरी कार्यालय टीकापुरका प्रमुख प्रहरी नायव उपरीक्षक मधुसूदन न्यौपानेले जानकारी दिए ।
उनीहरूलाई म्याद थप गरी अनुसन्धान गरिने नायव उपरीक्षक न्यौपानेले बताए ।
