रक्सी खाँदा एकको मृत्यु

बैतडी । रक्सी खाँदा बैतडीमा एक जनाको मृत्यु भएको छ । डिलाशैनी गाउँपालिका वडा नम्बर ५ खेतीगाउँ कैनलीका ४५ वर्षीय रामदत्त जोशीको मंगलबार राति मृत्यु भएको जिल्ला प्रहरी कार्यालय बैतडीले जनाएको छ ।
रक्सी खाएर हरिनगर बजारमा बेहोस भेटिएका जोशीलाई गोकुलेश्वर प्रहरी चौकीबाट गएको प्रहरी टोलीले गोकुलेश्वर अस्पतालमा लगेको थियो । उपचारकै क्रममा उनको मृत्यु भएको जिल्ला प्रहरी कार्यालयका प्रहरी नायव उपरीक्षक नेत्रमणि गिरीले जानकारी दिए । घटनाबारे थप अनुसन्धान भइरहेको उनले बताए ।