बझाङकी युवती गिरी धनगढीमा मृत भेटिइन
धनगढी/ बझाङ स्थायी घर भएकी २१ वर्षीया महेश्वरी गिरी धनगढीमा मृत अवस्थामा फेला परेकी छन्। आज (शनिबार) धनगढी उपमहानगरपालिकाको वडा नम्बर ७ मा ती युवती मृत फेला परेकी हुन्।
प्रहरी स्रोतका अनुसार गिरी भान्सामा झुन्डिएको अवस्थामा फेला परेकी हुन्। धनगढीकै ऐश्वर्य बहुमुखी क्याम्पसमा स्नातक तहमा अध्ययनरत गिरी ठूलबुवाको घरमा धनगढीमा बस्दै आएकी थिइन्।
