अटो चलाउने महिला सम्मानित
धनगढी/ धनगढीमा अटो रिक्सा चलाउने छ जना महिला चालकहरु सम्मानित भएका छन् । सम्मानित भएका महिलाहरुले आफ्नो कामको मूल्यांकन गरेर सम्मानित गरिदा खुसी लागेको बताएका थिए ।
सुदूरपश्चिम प्रदेश सरकारको सामाजिक विकास मन्त्रालयले आज ११३ औ अन्तराष्ट्रिय महिला दिवसका अवसरमा अटोरिक्सा चालक महिलालाई सम्मानित गरेको छ ।
प्रदेश सरकारले एक विशेष कार्यक्रमको आयोजना गरेर अटोचालक महिलाहरूलाई १० हजार रुपियाँ नगदसहित प्रमाणपत्र र दोसल्ला ओढाएर सम्मान गरेको हो ।
सम्मानित हुनेमा अटोरिक्साका चालकहरूमा सविता चौधरी, छुटमनिया चौधरी, ईश्वरी नाथ, मिरादेवी चौधरी, भगवतीदेवी कुँवर, र वाग्मती दहित रहेका छन् ।
