सुदूरपश्चिम प्रदेश सभा दिवस मनाइयो
धनगढी/ सुदूरपश्चिम प्रदेश सभा सचिवालयले शनिबार धनगढीमा प्रदेश सभा दिवस मनाएको छ ।
प्रदेश सभाको पहिलो कार्यकाल शुरु भएको २०७४ साल माघ ७ गते प्रदेश सभा सदस्यहरूले सपथ ग्रहण गरेको दिनलाई प्रदेश दिवसका रुपमा मनाउने गरिएको छ ।
सुदूरपश्चिम प्रदेश सभा प्रांगणमा भएको विशेष समारोहसभामुख भीमबहादुर भण्डारीको अध्यक्षतामा भएको थियो ।
दिवसका अवसरमा निवर्तमान मुख्यमन्त्री, मन्त्रीहरु, प्रदेश सभा सदस्यहरु लगायतले शुभकामना मन्तव्य व्यक्त गरेका थिए ।
सो अवसरमा प्रदेशका विना विभागीय मन्त्री सन्तोष शर्मा थापा, निवर्तमान मुख्यमन्त्री त्रिलोचन भट्ट, नेकपा (एकीकृत समाजवादी) का संसदीय दलका नेता दीर्घबहादुर सोडारी, नेपाली काँंग्रेसका पदमबहादुर शाही, नेकपा (माओवादी केन्द्र) का मानबहादुर धामी, नेकपा (एमाले) का चक्रबहादुर मल्ल, पूर्व उपसभामुख निर्मला बडाल जोशी लगायतले धारणा व्यक्त गरेका थिए ।
