प्रमुख सचेतकबाट हटाउदा जानकारी दिइएन : लामा
धनगढी / नेकपा (एमाले) को प्रदेश सभाको प्रमुख सचेतकबाट तारा लामा तामाङलाई सल्लाह नगरेरै हटाइएको पाइएको छ ।
मलाई किन हटाइयो थाहा नै छैन तामाङले बताए । प्रदेश सभाका एक कर्मचारीले भनेपछि आफू प्रमुख सचेतकबाट हटेको थाहा पाएको उनले बताए ।
दलका नेता प्रकाशबहादुर शाहले सो बारेमा आफूसित कुनै सल्लाह नगरेको उनले बताए ।
तामाङ पनि एमाले भित्रकै माधव नेपाल समूहको मानिन्छन् ।
स्रोतका अनुसार विस्तार हुँदै गरेको मन्त्रीमण्डलमा मन्त्री हुन नमानेपछि प्रमुख सचेतकबाट तामाङलाई हटाइएको हो ।
मन्त्री मण्डलमा सामेल हुन नमान्नु भएको हो भन्ने प्रश्नमा भने उनले बोल्न मानेनन् ।
