संविधान सभाका सदस्य श्रीपाइली सम्मानित
धनगढी/ संविधान सभाका सदस्य हरी श्रीपाइलीलाई शुक्लाफाँटा नगरपालिका–८ को नौखरी कृषि सहकारी संस्थाले सम्मान गरेको छ ।
सुदूरपश्चिम प्रदेश सरकारका उद्योग, पर्यटन, वन तथा वातावरणमन्त्री रमेश धामीले सो संस्थाको दोस्रो वार्षिक साधारण सभाको अवसरमा संविधान सभा सदस्य श्रीपाइलीलाई प्रमाणपत्र सहित सम्मान गरेका थिए ।
श्रीपाइलीले कमैया मुक्ती र मुक्त कमैयाका अधिकारका लागि भूमिका खेलेको कदरसहित सम्मान गरिएको सम्मानपत्रमा उल्लेख छ ।
मुक्त कमैयाहरुले सञ्चालन गरेको सो सहकारीले वार्षिक १४ लाख जतिको कारोवार गर्दे आएको छ । सो संस्थाका १५० जना शेयर सदस्य छन् ।
सहकारीका अध्यक्ष राजकुमारी चौधरीको अध्यक्षतामा भएको कार्यक्रममा वडाअध्यक्ष बहादुरसिंह महरा, मुक्त कमैया महिला विकास मञ्चका इन्द्र चौधरी लगायतले बोलेका थिए ।
