प्रधानमन्त्री प्रचण्ड सुदूरपश्चिम आउदै : गेटा मेडिकल कलेज र महेन्द्रनगरका आधा दर्जन कार्यक्रममा सहभागी हुने
धनगढी/ नेकपा माओवादी केन्द्रका अध्यक्ष पुष्पकुमार दाहाल प्रचण्ड प्रधानमन्त्रीमा नियुक्त भएपछि आज पहिलो पटक सुदूरपश्चिम आउदै छन । ।
प्रधानमन्त्री प्रचण्ड बिहान ८ः३० बजे नेपाली सेनाको जहाजबाट प्रधानमन्त्री धनगढी आउन लागेका हुन् । धनगढी आउनु अघि भने उनी पेरिस डाँडामा जनयुद्ध दिवसको कार्यक्रममा सहभागी हुने छन् ।
सुदूरपश्चिममा आउने वित्तिकै गेटा स्थित मेडिकल कलेजको निरीक्षण गर्ने कार्यक्रम तय भएको छ । गेटामा मेडिकल कलेजमा १० बजे धनगढी पुग्ने कार्यक्रम छ । त्यसपछि उनी महेन्द्रनगर प्रस्थान गर्ने छन् ।
उनले सुख्खा बन्दरगाह,महाकाली पुल,महाकाली कोरिडोरको निरीक्षण अवलोकन गर्ने पनि जनाइएको छ ।
दिउँसो जनयुद्ध दिवसको अवसरमा जिल्ला पार्टीले आयोजना गरेको कार्यक्रमलाई सम्बोधन गर्ने र त्यसपछि कञ्चनपुर महोत्सवमा सम्बोधन गर्ने कार्यक्रम रहेको छ ।
उनी आजै साँझ काठमाडौँ फर्किने प्रधानमन्त्री प्रचण्डको तयारी रहेको छ ।
