काँग्रेस सुदूरपश्चिम संसदीय दलको नेतामा प्रकाश देउवा निर्विरोध हुने सम्भावना
धनगढी/ नेपाली काँग्रेसको सुदूरपश्चिम प्रदेश सभा संसदीय दलको नेता आज बुधबार छानिने भएको छ । दलको नेतामा प्रकाशबहादुर देउवा निर्विरोध हुने सम्भावना छ ।
एक नेताका अनुसार अव निर्वाचनको प्रक्रिया शुरु हुने भए पनि देउवाको मात्र उम्मेदवारी पर्ने सम्भावना छ ।
यद्यपी दलको नेताका लागि प्रदेश सभा सदस्य बहादुरसिंह थापा, दिवानसिंह विष्ट, कमलबहादुर शाह र मेघराज खड्कालगायतले आकांक्षा देखाएका छन्।
केही गरेर निर्विरोध नभएमा आजै ४ बजे निर्वाचन हुने छ । निर्वाचन प्रयोजनका लागि पाँच सदस्यीय समिति गठन गरिएको छ।
प्रदेश कार्यसमितिका उपसभापति लोकराज अवस्थी संयोजक रहेको समितिमा उपसभापति जनकराज चौधरी, महामन्त्री नरनारायण शाह (मनु) तथा काँग्रेस प्रदेश सदस्यहरु सुरत रावत (डोटेली कान्छा) र रामबहादुर देउवा सदस्य छन्।
सुदूरपश्चिममा काँग्रेसका १९ जना प्रदेश सभा सदस्य छन्। काँग्रेस प्रदेश सभामा ठूलो दल हो।
