प्रदेश प्रमुखसंग रावलले लिए सपथ
धनगढी/ सुदूरपश्चिम प्रदेशका प्रमुख देवराज जोशीले प्रदेश सभा सदस्य मानबहादुर रावललाई सपथ ग्रहण गराएका छन् ।
प्रदेश सभा सदस्यमा सबैभन्दा ज्येष्ठ रहेका रावललाई अरु प्रदेश सभा सदस्यलाई सपथ गराउनका लागि सपथ खुवाइएको हो ।
६८ वर्षीय रावल अछाम क्षेत्र नं. २ को क बाट निर्वाचित भएका थिए ।
प्रदेश प्रमुखको कार्यालयमा गराइएको सपथ ग्रहण कार्यक्रममा मुख्यमन्त्री त्रिलोचन भट्ट, मन्त्रीहरु मानबहादुर धामी, विनिता चौधरी, निर्वतमान सभामुख अर्जुनबहादुर थापा, प्रदेश सभा सदस्य पदमबहादुर शाही लगायतको उपस्थिति थियो ।
